amalinks wokungena

Breaking News

Umthethwandaba Ucubungula Udaba Lokuthi Ngubani Okufanele Akhokhele Ibandla leMDC


UMnu. Nelson Chamisa loNkosazana Thokozani Khupe

UMnu. Chamisa ukhweze loludaba eSupreme Court ephikisa isinqumo seHigh Court esokuthi wangena esikhundleni sokuhola lelibandla ngokungekho emthethweni.

Umthethwandaba weSupreme Court uzaqhubeka ngoLwesihlanu uhluza udaba lombango wokuthi ngubani umkhokheli webandla leMDC oqotho phakathi kukaNkosazana Thokozani Khupe loMnu Nelson Chamisa.

UMnu. Chamisa ukhweze loludaba eSupreme Court ephikisa isinqumo seHigh Court esokuthi wangena esikhundleni sokuhola lelibandla ngokungekho emthethweni. Umamangala kuloludaba lilunga leMDC uMnu Elias Mashavira, yena othi uMakhupe nguye okwakumele abe ngumkhokheli weMDC kulandela ukutshona kuka Mnu Morgan Tsvangirai ekuqaleni komnyaka ka2018.

Inkantolo yeSupreme Court iqale ukuhluza udaba lolu ngoLwesine lapho amagqwetha kaMnu Chamisa acele umahluli ukuthi avimbe uMaKhupe engabikhona kuthethwa loludaba ngoba engayisuye mamangala. Kodwa amagqwetha kaMaKhupe akuphikisile lokhu.

Umahluli ukhangelelwe ukwethula isinqumo sakhe namuhla. Ukuhlaziya loludaba sixoxe lengcwethi kwezombusazwe uMnu Effie Dlela Ncube.

please wait

No media source currently available

0:00 0:03:01 0:00



Facebook Forum

XS
SM
MD
LG