Umthethwandaba weHigh Court eHarare ngolweSihlanu ulahle isicelo sikaMnu Roy Bennett esokuthi abiselwe ipassport yakhe icala lakhe lisathonisiswa.
Igqwetha lika Bennet, uNkosikazi Beatrice Mthethwa ubekhweze isicelo lesi esithi ufuna uBennet anikezwe ipassport yakhe ukuze enelise ukwethekelela kwamanye amazwe.
Kodwa umtshutshisi omkhulu kahulumende, uMnu Johannes Tomana uphikise isicelo lesi. UMnu Bennet wetheswa icala lokuzama ukugenqula uhulumende weZanu PF lokugcina izikhali zempi ngaphandle komthetho.
Esethula isinqumo sakhe, umahluli Chinembiri Bhunu uvumelane loTomana esithi kasoze avumele uBennet ukuthi aphiwe ipassport yakhe ngoba icala abhekane lalo lilikhulu.
Ukuthoniswa kukaMnu Bennett kuzaqhubeka mhala 12 ngoZibandlela 2010; kubike uNtungamili Nkomo weStudio 7.