amalinks wokungena

Breaking News

High Court: uTsvangirai Akekho Kudaba Lokhetho

  • Mavis Gama

Umthethwandaba weHigh Court uveze ngolweSithathu ukuba inhloko kahulumende uMnumzana Morgan Tsvangirayi akalani lokuhlelwa kwensuku zokuqhutshwa kokhetho lwama by-elections eziqintini ezintathu zeMandebeleni. Lokhu kuphume emthethwandaba lo uhlaziya isicelo sika Mongameli Robert Mugabe sokuba aphiwe ithuba lokumisa ukuhlela usuku lokhetho

Umkhokheli wabahluli bedale leHigh Court, uMnumzana George Chiweshe, utshele lelidale ukuba uTsvangirai akalawo amandla ngokutsho insuku lapho ukhetho lwama by- elections lungaqhutshwa khona eziqintini ezibalisa eNkayi, eBulilima East kanye leLupane East.

Zisele zingasela bameli edale lephalamende lezi ndawo ngemva kokuxotshwa kwababekhona ebandleni leMDC elikhokhelwa nguMnumzana Welshman Ncube ngomnyaka ka2010.

Lokhu kuza ngemva kwesicelo esisiwe edale nguTsvangirai sokufuna ukuphendula kuloludaba ngemva kokuba uMugabe eveze isifiso sokuba ukhetho lokudinga inkokheli zikahulumende lwenziwe ngenyanga ezayo.
UMugabe uthi kasikho isizatho sokuba kuqhutshwe ukhetho lwama by-elections lodwa lona ukhetho olukhulu luzakwenziwa kunsukwana ezilandelayo.

UMugabe use lesi sicelo edale efuna ukuba ludluliselwe phambili udaba lokutsho usuku lokhetho ngemva kokuba idale linye belike lanquma ukuba kusiyafika umhla ka 31 ngenyanga kaMbimbitho abesekwenzile lokho atsho ukuba lolukhetho lwama by-elections luzakwenziwa nini eziqintini ezintathu.

Umahluli Chiweshe uthi nxa seluhluzisisiwe loludaba ngolweSine yikhona kuzakwazakala ukuba azakwenziwa na la ma by-elections loba hatshi.

please wait

No media source currently available

0:00 0:02:50 0:00
Lapho esitholakala khona
XS
SM
MD
LG