Umthethwandaba kamantshi eHwange uthole omunye wabaphathintambo bogatsha lokuxolelana uMnu Moses Mzila Ndlovu emsulwa kucala ebeletheswa ngoLwesibili.
UMzila ubotshwe ngomnyaka odluleyo ngemva kokuqhuba umhlangano ophathelane lohlelo lokuxolelana, wetheswa icala lokutshotshozela umvukela.
Ubesetheswa njalo umlandu wokukhuluma imbiko yamanga mayelana ngombuqazwe weGukurahundi.
UMnu Mzila lilunga leMDC ekhokhelwa nguMnu Welshman Ncube njalo umela iBulilima West edale lephalamende.
Igqwetha lakhe uMnu Matshobana Ncube uthi umantshi, uMnu Collet Ncube unqume ukubana uthole uMzila engelacala ngoba abatshutshisi behluleke ukuveza ubufakazi obusuthisayo.
