amalinks wokungena

Breaking News

'Umthethwandaba Wenze Kuhle Ngokuvimba Umthetho kaTrump'


Umthethwandaba weMelika ngoLwesine uyale ukuvumela uhulumende kaMongameli Donald Trump ukusebenzisa umthetho ovimba izizalwane zamazwe ayisikhombisa ukuza eMelika.

Umthetho lo waqala wavinjwa ngumthethwandaba waphansi, okwabangela ukuthi uhulumende kaTrump aphikise isinqumo lesi emthethwandaba weFederal Appeals.

Umthetho kaTrumo lo uvimba izizalwane zamazwe ayisikhombisa abalisa iIran, iSyria, iIraq, iLybia, iSomalia, iSudan leYemen ukuza eMelika phakathi kwenyanga ezine ezilandelayo.

Amazwe wonke la alandela ukholo lwesiMoslem. UTrump uthi uthethe lelinyathelo emizameni yokwenqabela izigilamkhuba ezingavela emazweni la zisiza eMelika ngenjongo yokuzohlasela.

Ukwethulwa komthetho lo kwabangela ukuvinjwa kwabantu abanengi ukungena eMelika ababelamaVisa okungena lokuhlala eMelika.

Kodwa bacina sebevunyelwa ngemva kwesinqumo somthethwandaba waphansi.

Uhulumende kaTrump ulakho ukuphikisa isinqumo lesi edale leSupreme Court.

Isizalwane seZimbabwe esihlala eMelika uMnu. Muzi Ncube utshele iStudio 7 ukuthi uyasisekela isinqumo somthethwandaba lesi.

please wait
Embed

No media source currently available

0:00 0:02:26 0:00
Lapho esitholakala khona
XS
SM
MD
LG