amalinks wokungena

Breaking News

Umthethwandaba WePlumtree Wala Ukukhulula Ukhansila Morgan Ncube NgeBail


UMnu. Ncube, owabotshwa kuviki edluleyo, wetheswa icala lokuthuka umongameli Robert Mugabe njalo ukhangelelwe ukumiswa phambi komthethwandaba kamantshi ePlumtree kumaviki amabili azayo

Ekuqhubekeni kokuthethwa kwecala lokubulawa kwepholisa uMnu. Cephas Mutedza ngomnyaka odluleyo eGlen View eletheswa amalunga ecele le MDC elikhokhelwa nguMnu. Morgan Tsvangirai, omunye wabafakazi uthe udlakela olwaqhamuka kuze kubulawe umuyi lwabangelwa ngamapholisa.

Lokhu kuphuma ubufakazi obutshiyeneyo ekuthethweni kwalelicala, njalo uNkosikazi Beatrice Mthethwa igqwetha utshele umthethwandaba ukuthi kusobala ukuthi umuyi engabe wabulawa ngabanye abantu abangasibo malunga eMDC.

Kusenjalo, umthethwandaba kamantshi ePlumtree walile ukukhulula esinye isiphathamandla salelibandla, ukhansila Morgan Ncube we Beit bridge ngesibambiso sebail, kucala aletheswayo elokuthuka uMongameli Robert Mugabe.

UNcube, obotshwe ngeviki edluleyo, ukhangelelwe ukumiswa phambi komthethwandaba kumaviki amabili azayo, kodwa igqwetha lakhe uMnu. Liberty Mcijo, utshele uSithandekile Mhlanga weStudio 7 ukuthi uzaphikisa isinqumo sangoMvulo ukwenzela ukuthi uNcube akhululwe ngesibambiso se bail.

XS
SM
MD
LG