amalinks wokungena

Breaking News

Sizavotela Labamabandla Aphikisayo; Kutsho Abalwa Impi Yenkululeko


Abalwa impi yenkululeko abavame ukuvotela ibandla leZanu PF bathi kabasoze bavote beyamele kulelibandla kukhetho oluzayo.

Bathi bazavotela yiloba ngubani okhanya ekwazi akwenzayo njalo engumkhokheli oqotho.

Abalwa impi laba, abangamalunga enhlanganiso yeZimbabwe National Liberation War Veterans’ Association bethule amazwe lawa emhlanganweni abawuqhubele eHarare ngoLwesine.

Umhlangano lo ubukhokhelwa ngabaholi balinhlanganiso abagoqela uMnu Christopher Mutsvangwa yena owaxotshwayo kubandla leZanu PF.

Umkhokheli webandla leZapu, lona eselaphuma kumanyano walo leZanu PF, uMnu Dumiso Dabengwa laye ubekhona kulumhlangano.

UMutsvangwa ukhuthaze uzulu weZimbabwe ukuthi laye evotele abantu abalekhono lokuhlenga ilizwe ebunzimeni eliphakathi kwabo.

Usole elinye lamacele alwisanayo kubandla leZanu PF eleG40 esithi yilo eselibulele ilizwe.

Ingcwethi kwezombusazwe njalo engumfundisi uMnu Useni Sibanda utshele iStudio 7 ukuthi inyathelo labalwa impi yenkululeko leli lilakho ukuphathisa amabandla aphikisayo.

please wait

No media source currently available

0:00 0:02:00 0:00
Lapho esitholakala khona
XS
SM
MD
LG