amalinks wokungena

Breaking News

UMugabe LoTsvangirai Bahluza Udaba Lwamapholisa

  • Ntungamili Nkomo

UMongameli Robert Mugabe ukhangelelwe ukuhlangana losikomitshi wamapholisa uMnu Augustine Chihuri kumalanga azayo bekhulumisana ngodaba lokubotshwa mahlayana kukazulu.

Lokhu kuvezwe yiwofisi yenhloko kahulumende uMnu Morgan Tsvangirai ngoMvulo ngemva komhlangano phakathi kukaMugabe loTsvangirai.

UTsvangirai nguye oqale loludaba esola kakhulu ukubotshwa kwabantu abasebenzela ewofisini yakhe kanye legqwetha elidume endabeni zokulondoloza amalungelo oluntu uNkosikazi Beatrice Mutetwa.

Ababili laba bavumelene njalo ukuthi ukhetho ngeke lwenziwe ngoNhlangula ngoba kukunengi okusamele kwenziwe.

Umgcinisihlalo weNango uMnu Effie Dlela Ncube utshele iStudio 7 ukuthi kaboni kusiba lenguquko kundlela amapholisa aphatha ngayo uzulu lanxa engaze ehlangane loMugabe.

please wait

No media source currently available

0:00 0:02:16 0:00
Lapho esitholakala khona
XS
SM
MD
LG