UMongameli Robert Mugabe ngumkhokheli wesibili emhlabeni jikelele olombuso omubi njalo oloncindezelo olwesabekayo, kubika ugwalondaba lweMelika iForeign Policy magazine.
Embikweni ewethule ngoLwesine iForeign Policy magazine ithi umkhokheli oloncindezelo olwedlula olwabo bonke abakhokheli bamazwe omhlaba nguKim Jong Il oweNorth Korea.
Kuhlandla lesithathu kuloMongameli weBurma uMnu Than Shwe njalo kuhlandla lesine kulo Omar Al-Bashir oweSudan. UMongameli Mahmoud Ahmadinejad weleIran uhlezi kuhlandla lesitshiyagalombili.
Imbiko le isolwa kakhulu ngabanengi abathi akusiqiniso ukuthi uMugabe ngumkhokheli oloncindezelo ukwedlula abakhokkheli abafana loAl-Bashir wele Sudan kanye loAhmadinejad weleIran.
