amalinks wokungena

'UMugabe Kanike uMnangagwa Isikhundla Sika Mongameli'

  • Mavis Gama

UMongameli Robert Mugabe

Owayengumkhokheli wohlangothi lwabasakhulayo waxotswa kubandla le Zanu PF esabelweni seMashonaland Central, uMnu. Godfery Tsenengamu, uthi uMongameli Robert Mugabe so kumele anike isikhundla sakhe uMnu. Emmerson Mnangagwa.

UTsenengamu uphinde waxwayisa umka mongameli, uNkosikazi Grace Mugabe, ukuba ehlukane lomkhuba wokuthuka abantu emihlanganweni yakhe.

UTsenengamu wenze isixwayiso lesi emhlanganweni lentathelizindaba wokuphendula inkulumo kaNkosikazi Mugabe ayenze ngolweSihlanu kanye lekamongameli Mugabe ethi akulamuntu okwamanje ongathatha isikhundla sakhe kubandla le Zanu PF.

Uxwayisa uMugabe ukuba asuke embusweni adedele lowo osefunwa ngabantu.

Uthe sesifikile isikhathi sokuba angene uMnangagwa esikhundleni lesi ngenxa yokuthi uMugabe useluphele.

Usole inkulumo kaNkosikazi Grace Mugabe esithi udelela uzulu.

UNkosikazi Mugabe utshele uzulu emhlanganweni awenze eSt. Johns Secondary School eBuhera esabelweni seManicaland ukuthi uMugabe ulakho ukungena kukhetho oluzayo loba esifile anqobe bonke abancintisayo.

UTsenengamu uthi akumelanga abantu beqhubeke beqakezela uNkosikazi Mugabe yena ethuka uzulu.

Lokhu kusekelwe ngomunye wabalwa impi yenkululeko, uNkosikazi Beauty Hlatshwayo othe uzulu ilizwe lonke jikelele usekhathele ngombuso kaMugabe labanye bakhe.

Facebook Forum

XS
SM
MD
LG