amalinks wokungena

Breaking News

UMugabe Ukhuthaza Abantu Ukuthi Bengatshotshozeli Udlakela Elizweni


Ngesikhathi se Independence Day iiZimbabwe ithakazelela iminyaka engamatshumi amathathu lambili okuzibusa, umongameli Robert Mugabe uthi iziphathamandla zikahulumende yizo ezibangela udlakela oluqondiswa kwamanye amabandla kanye laphakathi kwamabandla azo

Ngesikhathi iZimbabwe ithakazelela iminyaka engamatshumi amathathu lambili okuzibusa, uMongameli Robert Mugabe uthi iziphathamandla zikahulumende yizo ezibangela udlakela oluqondiswa kwamanye amabandla kanye laphakathi kwamabandla azo. Kubika intathelizindaba yethu uMavis Gama.

Ngakwelinye icele izizalwane zeZimbabwe ezabaleka zayadinga ubuphepheli kwele South Africa ngenxa yokuhlukuluzwa ngezombusazwe, zithi uzibuse kazikamtholi ngakho ilanga leli ngelokudinga inkululeko yabo. Kubika uBenedict Nhlapho inthathelizindaba yeStudio 7 eseJohannesburg.

Kunjalo, nje, ezinye izizalwane zeZimbabwe kwele Botswana zikhala ngesinqumo esithethwe yisigodlo seZimbabwe kweleGaborone sokuthi abafuna ukungena emkhosini wokunanza uzibuse bahlawule amaPula alikhulu munye ngamunye. Kubika inthathelizindaba yethu, uMartin Ngwenya eseBotswana.

Ukuze sihlaziye udaba lukazibuse uSithandekile Mhlanga we Studio 7 uxoxe loMnu. Mark Mbaiwa, isiphathamandla sebandla le ZAPU, njalo owalwa impi yenkululeko ekuvuyo le ZIPRA. UMnu. Mbaiwa uthi lanxa ibandla lakhe lithethe isinqumo sokuthi lizananza lumkhosi, ilizwe alikamtholi uzibuse ngeqiniso.

XS
SM
MD
LG