amalinks wokungena

UMugabe Ukhuthaza iAU Ukuthi Ikhankasele Ukwesulwa Kwezijeziso

  • Ntungamili Nkomo

UMongameli Robert Mugabe sekhuthaze umanyano wamazwe abensundu oweAfrican Union ukuthi ukhankasele ukwesulwa kwezijeziso zenotho ezafakelwa yena labanye bakhe kuZanu PF ngamazwe angentshonalanga.

Ekhuluma emhlanganweni weAU ophele ngoMvulo ntambama kweleEthiopia, uMugabe uthe iAU kumele ikhankasele ukususwa kwezijeziso lezi njengokwenziwa ngumanyano weSadc.

Wengeze wathi izijeziso lezi kumele zisuswe kungakenziwa ukhetho oluzayo.

Inkuthazo kaMugabe ikhanya ibiqondiswe ikakhulu kunkokheli yeAU entsha ebalisa umgcinisihlalo walumanyano, uMongameli Boni Yayi, oweBenin loNkosazana Dlamini Zuma weleSouth Africa yena osengumgcinisihlalo wekomishini yalinhlanganiso.

Ababili laba bafungiswe ukuthatha izikhundla zabo ekugqitshweni kwalumhlangano ngoMvulo.

Ingcwethi kwezombusazwe uMnu Effie Dlela Ncube uthi iAfrican Union kumele ikhankasele ukwesulwa kwezijeziso lezi kuphela nxa uMugabe engalungisisa konke okusahluphayo okugoqela udaba lwamalungelo oluntu.

XS
SM
MD
LG