UMongameli Robert Mugabe uvule idale lephalamende ngoLwesibili ngenkhuthazo yokuthi amabandla ezombusazwe kumele etshiyane lodlakele uzulu abambane.
UMugabe ukhuthaze amalunga amadale womabili athi eleSenate leleHouse of Assembly ukubana akhulumisane lozulu emxwayisa ngokuqakatheka kokulondoloza ukuthula.
Wazise ukuba imisebenzi yokuthuthukiswa kwabensundu kwezomnotho ihamba kakuhle, wathi abasungula amabhizimusi eZimbabwe akumelanga besabe ngoba amabhizimusi abo evikelekile.
Kumaviki asanda kwedlula uMugabe uke wathinta njalo inkuthazo yakhe yokulondolozwa kokuthula lokumiswa kodlakela.
Ekhuluma ngokubunjwa kwemithetho uMugabe uthe kulama Bill lemithetho ezakwethulwa phambi kwedale abalisa iRefferendum Bill, Electoral Amendment Bill, Diamond Bill leMico-Finance Bill.
