UMongameli Robert Mugabe segcizelele inkuthazo yakhe yokuthi amabandla ezombusazwe kumele atshiyane lodlakela elondoloze ukuthula elizweni.
Ekhuluma emkhosini wokunanza ikhefu lamaqhawe iHeroes Day ngoMvulo, uMugabe uthe kuyadingeka ukuba ilizwe liye kukhetho kulokuthula.
Wengeze wathi uhulumende ulakho ukuxotsha amankampani ezizalwane zakwamanye amazwe asebenzela eZimbabwe nxa amazwe angentshonalanga engaqhubeka efakele iziphathamandla zeZanu PF izijeziso zenotho.
Ngakwelinye icele inhloko kahulumende uMnu Morgan Tsvangirai yena utshayele ihlombe bonke abalwela inkululeko yelizwe, wakhuthaza labebutho ukuba bengangeneli kwezombusazwe.
UTsvangirai labanye bakhe kubandla lakhe abayanga eheroes Acre ngoba bebengcwaba omunye wabo uMnu Elphas Mukonoweshuro yena obhubhe ngeviki edluleyo.
UMukonoweshuro ubengumphathintambo obona ngogatsha lwezisebenzi zikahulumende njalo bonke abakhulume emngcwabeni wakhe bebemchaza njengendoda ebizimisele ukuthuthukisa impilo kazulu.
NgoLwesibili eleZimbabwe lizananza ilanga lamabutho iDefence Forces Day.
