amalinks wokungena

Breaking News

UMugabe Ulakho Ukufa u2013 Engakafiki: WikiLeaks


UMongameli Mugabe ubikwa ebulawa yimvukuzane yamaphambili evame ukuhlasela amaxegu, eyeProstate cancer, njalo ulakho ukufa kungakedluli umnyaka ka2013.

Imbiko ekhitshwe likhaya lebulenjini, iWikileaks, ithi imfihlo yokugula kukaMugabe ivezwe ngusibalukhulu webhanga elikhulu lelizwe ele RBZ, uMnu Gideon Gono ekhuluma lowayengumeli weMelika eZimbabwe ngo2008 uMnu James Mcgee.

Imbiko yeWikileaks sitshayanise amakanda amalunga eZanu PF kanye laweMDC ekhokhelwa nguMnu Morgan Tsvangirai ngemva kokuba iveze ukuthi bakhona abakumabandla womabili abangethembekanga abanyeya inkokheli yabo njengoGono loMnu Nelson Chamisa weMDC kaTsvangirai.

AbakuZanu PF ababikwa babekhuluma kubi ngoMugabe, nguGono loMnu Savior kasukuwere, kuthi abeMDC ababehlambaza umkhokheli wabo uTsvangirai nguChamisa, uMnu Obert Gutu kanye loMnu Roy Bennet, bona abathi ungumkhokheli ongelahlonzi.

Imbiko yeWikiLeaks ibika njalo ukuba uGono watshela iziphathamandla zeMelika eZimbabwe ukuthi uNkosikazi kaMugabe, uGrace wamazisa ukuthi uMugabe seluphele kakhulu okokuthi ingqondo sezicitsha esikhathini esinengi.

Kodwa ekhuluma lephephandaba lebulenjini eleNewZimbabwe.com uGono uyilandule yonke limbiko.

Lanxa abazi okwenzakalayo besithi imbiko yeWikileaks le sibangele ukufuthelana kuZanu PF, inengi lisithi uGono kumele axotshwe umsebenzi, isiphathamandla salelibandla uMnu Joram Gumbo uthe kungamanga lokhu.

UGumbo wengeze wathi abayilokothi limbiko esithi ngamanga aphekwe yisigodlo seMelika eZimbabwe ngenjongo yokudiliza ibandla lakhe.

Ingcwethi ecubungula ezombusazwe uMnu Effie Dlela Ncube uthi imbiko kaGono yokuthi uMugabe engafa umnyaka ka2013 ungakafiki ingaba liqiniso, yikho efuna kwenziwe ukhetho ngokuphangisa.

XS
SM
MD
LG