amalinks wokungena

Breaking News

UMugabe Ulubhekisa eVatican Emkhosini KaPope John Paul II


UMongameli Mugabe ukhangelelwe ukuyaphatheka emkhosini wenkonzo yeRoma owokudumisa uPope John Paul II eVatican, kwele Italy ngeSonto.

Iziphathamandla zeVatican, eyisigodlo senkonzo yamaKatolika ziveze ngoLwesihlanu ukuthi uMugabe ngomunye wabantu abayisigidi abazangena kulumkhosi.

UPope John Paul II ubhubhe ngo2005, njalo kulisiko lamakholwa eRoma ukungcwelisa kanye lokudumisa abafundisi bawo abaphezulu. UMugabe laye likholwa lalinkonzo.

Izijeziso ezethulelwa uMugabe labanye bakhe kuZanu PF yiEuropean Union azimvumeli ukuba angene emazweni akulumanyano, agoqela eleItaly.

Kodwa useke wethekelela kulelilizwe kuminyaka esanda kwedlula, kungakhathalekile. Ukuze aye eVatican, yona eyisigodlo esizimeleyo, uMugabe kumele abe levisa yeItaly.

Ukuhlaziya udaba lolu, sixhume uMnu Zenzele Ndebele yena olwela amalungelo oluntu. UMnu Ndebele uthi ukuya kukaMugabe eVatican kuveza sobala ukuthi izijeziso azifakelwa yiEU azisebenzi.

XS
SM
MD
LG