UMongameli Mugabe usungule uhlelo lokufundiswa kwemitshina yamacomputer kanye lobulembu be-internet ezikolo esithi impumelelo yabafundi igxile kumacomputer.
UMugabe usungule loluhlelo, oluthiwa yi e-Learning, eChogugudza Primary School eDomboshava wapha isipho samacomputer angu-84.
Kuminyaka edluleyo uMugabe uke wahaza njalo imitshina yamacomputer ezikolo ezinengi zelizwe ezigoqela ezemaphandleni lapho okungela amandla kagetsi khona.
Lokhu ubekwenza phansi kohlelo lwe-Presidential Schools Computerisation Program.
Kodwa inengi endaweni ezifana leMidlands, Matabeleland kanye leMasvingo bathi imitshina yamacomputer la kayimelanga iphelele eMashonaland kuphela.
Bathi kumele afike lezikolo zemaphandleni njalo kufakwe amandla kagetshi kulezizikolo.
Sixoxe lommeli weInsiza South edale lephalamende uMnu Siyabonga Malandu Ncube yena othi uMugabe kumele aqale afake amagetsi ezikolo zemaphandleni andubana ezinikeze amacomputer.
