amalinks wokungena

Breaking News

Mongameli Mugabe: Idale Lephalamende Lizadilizwa


Mongameli Mugabe
UMongameli Robert Mugabe uthi akulamuntu ongengezelela impilo yedale lephalamende nxa isifike emaphethelweni ngenyanga ka Nhlangula.

UMugabe utshele intathelizindaba izolo ese Rome kwele Italy ukubana isikhathi sokubusa esengengezelelwayo ngesakhe lenye inkokheli emqoka hatshi idale lephalamende.

Imbiko kaMugabe ilandela amazwi enkokheli yamacele eMDC okuthi ukhetho lwenziwe kuphela nxa sekulungiswe konke okungenza ukhetho lukhululeke. UMugabe uthe njalo umthethwandaba wanquma ukubana kumele azise ilanga lokuthi ukhetho luzenziwa nini ekupheleni kwayonale inyanga kudaba olukhwezwe emthethwandaba ngababengamalunga edale lephalamende abathathu besithi bafuna kwenziwe ukhetho ezigabeni zabo.

Kodwa umsekeli wesikhulumeli secele leMDC elikhokhelwa nguMnu. Morgan Tsvangirai, uMnu. Joel Gabhuza utshele uChris Gande weStudio 7 ukuthi ilanga lokhetho lizaziswa kuphela kusiya ngokuthi okumele kulungisiswe kuyabe sekufeziwe.
XS
SM
MD
LG