amalinks wokungena

Breaking News

UMugabe Uthi Kavumi Ukuba Kuguqulwe Indlela Abezomvikela Abasebenza Ngayo


UMongameli Mugabe uthi kasoze avume ukubana kuguqulwe indlela abomvikela abasebenza ngayo njengokufunwa ngamacele womabili eMDC leSadc.

Kungxoxo ayenze lephephandaba leSouthern Times ngoLwesihlanu, uMugabe uthe abomvikela laba balembali ethile lamabandla alwela inkululeko agoqela iZanu PF leZapu njalo kungaba lihlazo ukubana asebenze etshekele kuMDC, ibandla athi ngelabathengisi.

AbeMDC, besekelwa yiSadc bathi bafuna amabutho lamapholisa etshiyane lokungenela kwezombuso welizwe esekela ibandla leZanu PF.

Ekhuluma ngodaba lokuthi uzatshiya isikhundla sakhe sokukhokhela iZanu PF nini, uMugabe uthe uyinsika yalelibandla, ngakho engatshiya, lilakho ukudilika.

Wengeze wathi okokutshiya isikhundla kwakhe bazakubona ngokuya kwesikhathi, hatshi manje.

Isikhulumeli seMDC ekhokhelwa nguMnu Welshman Ncube, uMnu Nhlanhla Dube utshele iStudio 7 ukuthi abomvikela kumele batshiyane lokungenela kwezombusazwe.

Amazwi akhe agcizelelwe yingcwethi ecubungula ezombusazwe uMnu Rejoyce Ngwenya.

XS
SM
MD
LG