amalinks wokungena

UMugabe Uthi uBush loBlair Ngabantu Ababi Kakhulu

  • Ntungamili Nkomo

UMongameli Roibert Mugabe sesole inkokheli yezwekazi leAfrica ngokungathathi manyathelo okuvimba ukugenqulwa kukamuyi, uMnu Muamar Gaddafi weleLibya, ngamazwe angentshonalanga afana leMelika leBhilithani.

Ekhuluma eseZambia ngoLwesihlanu ngemva kokuhlangana lowake wakhokhela lelolizwe uMnu Kenneth Kaunda, uMugabe usole njalo owake waba nguMongameli weMelika uMnu George Bush loMnu Tony Blair weleBhilithani esithi ngabantu ababi abagcwele amanga.

Usole njalo amazwe angentshonalanga esithi yiwo akhwezela impi eseSyria. UMugabe, yena olobudlelwano obukhulu loMongameli Michael Sat weZambia, okulelo lizwe ukuyavula umkhosi wezokulima ngoMgqibelo.

Intathelizindaba zeleZambia zibikwa zithwalise uMugabe nzima ngombuso wakhe woncindezelo kwacina sokungenela uKaunda, yena othe inhlupho zeZimbabwe azibangelwanga nguMugabe.

XS
SM
MD
LG