UMongameli Mugabe uthi uhulumende womanyano kasekho emthethweni, ngakho kumele adilizwe kwenziwe ukhetho olutsha.
Ekhuluma ngoLwesine, uMugabe uthe kumele abaqhuba umsebenzi wokulotshwa kwesisekelo sombuso esitsha bawuphathe ngokuphangisa ukuze kuyiwe kukhetho ngomnyaka ozayo.
Uxwayise abasekeli bebandla lakhe ukuba bahlale belungiselele ukuya kulolu khetho.
Kodwa obona ngokuqoqwa kwenhlelo kucele leMDC elikhokhelwa nguMnu Welshman Ncube uMnu Qhubani Moyo uthi lusalude uhambo andubana kuyiwe kukhetho.
Amazwi akhe agcizelelwe nguNkosazana Thabitha Khumalo umsekeli wesikhulumeli seMDC ekhokhelwa nguMnu Morgan Tsvangirai.