amalinks wokungena

Breaking News

Mqondisi Moyo: UMugabe Wasuswa Esikhundleni Ngenxa Yokubulawa Kwabantu eBhalagwe


UMnu. Mqondisi Moyo umkhokheli webandla leMthwakazi Republic Party.

Annahstaciah Ndlovu

Umkhokheli webandla lezombusazwe eleMthwakazi Republic Party (MRP), uMnu Mqondisi Moyo, uthi owayengumongameli uMnu. Robert Mugabe ukhitshwe embusweni yimimoya yabantu ababulala wabaphosela emgodini weBhalagwe esabelweni seMatabeleland South kulandela ukubahleka kwakhe ngokuyakwenzela idili lakhe lokuzalwa eMatopo.

UMoyo utsho lokhu emhlanganweni awenze labebandla lakhe koBulawayo eStanley Square Hall lapho athe walobela uMugabe emazisa ngokuthi engenzeli idili lakhe ezansi yeMaNdebeleni, ikakhulu eMatopo kodwa kalalelanga.

Uchaze ukuba lekhefu eselihlelwe nguMongameli Emmerson Mnangagwa lokuba mhla zingamatshumi amabili lanye kuNhlolanja kubelikhefu kulandela ukuzalwa kowayengumongameli uMugabe kabasoze balihloniphe.

Umsekeli womkhokheli weMRP, uNkosazana Presia Ngulube, ukhuthaze abesifazana ukuba bahlome bakhulule isizwe ngendlela umuyi uNkosazana Thenjiwe Lesabe ayebamba ngayo.

UMnunzna Albert Mnkandla, ongene lumhlangano, laye ukhuthaze uMthwakazi ukuba asukume alungise ngempilo yabantu ukuze kube lokuphila kumele baziqoqe njengesizwe.

Omunye ongene lumhlangano uFoster Nkomo webandla leAlliance for National Salvation elikhokhelwa nguMnu. Moses Mzila-Ndlovu, uthe akwenzi ukuba uMongameli Mnangagwa aqhubeke esembusweni.

Uthe akulathuba abazamnikeza lona bazomkhupha kukhetho oluzayo ngoba akulanto angabasiza ngayo.

Isakhamuzi sakoBulawayo, uMnu. Abel Khumalo, uthe ubona kusobala ukuthi akulanguquko ezakuba khona ngaphansi kukaMnangagwa ngoba uyingcwethi ekuqileni kukhetho njalo yikho bengafuni ukulandela isisekelo sombuso ikakhulu esigabeni sokulandelwa kombuso wezabelo.

Abantu abanengi abangene lumhlangano bathe ngeke bavotela uMnangagwa ngoba waphatheka ekubulaweni kwabantu njalo ubebusa engcedisana lowayengumongameli Mugabe ngeke bamupha elinye ixetsha lokubusa ngoba kungelanto abayikhangeleleyo engasiza uMthwakazi esuka kuye.

Umhlangano lo uchaze njalo ukuba uMnangagwa angalinge alethe njalo umbhuqazwe wesizwe sikaMthwakazi ngoba bengamenza into ezilayo.

Udaba Esilethulelwe NguAnnahstacia Ndlovu
please wait

No media source currently available

0:00 0:03:57 0:00

Facebook Forum

XS
SM
MD
LG