amalinks wokungena

Breaking News

UMujuru Uthi Imfa Yomkakhe Iyamsolisa


Umsekeli kaMongameli welizwe uNkosikazi Joyce Mujuru uthi kuyamsolisa ukuthi umkakhe, uMnu Solomon Mujuru wehluleke njani ukuphuma ekamelweni atshele kulo wafela phakathi ngeviki edluleyo ngoba kulamafasitela aphansi enza kube lula ukuthi umuntu aphume nxa ethe wawelwa yingozi.

Ekhuluma ngoLwesibili, uNkosikazi Mujuru uthe umkakhe njengomuntu owayengumholi webutho, owalwa njalo empini yenkululeko, kwakumele kubelula kuye ukubana aphume endlini atshela kuyo.

Amazwi kaNkosikazi Mujuru aza ngesikhathi imfa yomkakhe iqhubeka isemilonyeni yabanengi, abanye besithi engaba wabulawa ngabanye bakhe kubandla leZanu PF basebemtshisa sevele sefile.

Amapholisa athi asacwayisisa ngaloludaba. Ingcwethi ecubungula ezombusazwe uMnu George Mkhwanazi utshele iStudio 7 ukuthi amazwi kaMujuru aveza ukuba kasuthiseki lakancane ngendlela umyeni wakhe afe ngayo.

XS
SM
MD
LG