amalinks wokungena

Breaking News

Mumbengegwi: EleMelika leEU Kasoze Ahlole Ukuqhutshwa Kokhetho

  • Sithandekile Mhlanga

Lumpathintambo uthi abazavunyelwa ukuqhuba lumsebenzi ngabangamalunga eSADC, AU, COMESA, lamanye amazwe alobudlelwano obuhle leleZimbabwe.

Uhulumende weZimbabwe ugcizelele ukuthi amazwe afana leleMelika lakumanyano wamazwe aweEurope, owe European Union, awasoze avunyelwe ukuzohlolisisa indlela ukhetho oluqhutshwa ngayo elizweni ngoba ethesa eleZimbabwe izijeziso zenotho.

Ekhuluma lentathelizindaba ngoMvulo ekuseni Harare, umphathintambo obona ngobudlelwano lamanye amazwe womhlaba, uMnu. Simbarashe Mumbengegwi uthe abazavunyelwa ukuqhuba lumsebenzi ngabamazwe angamalunga womanyano we SADC, oweAfrican Union, COMESA, labanye abalobudlelwano obuhle leleZimbabwe.

UMbengegwi uphinde wathi abazohlolisisa ukuqhutshwa kokhetho lweReferendum mhlaka 16 kuyonale inyanga sebanxuswa kudala, kukanti abazakwenza umsebenzi ofanayo ngokhetho oluzayo lokudinga inkokheli yelizwe bazanxuswa ilanga selimisiwe.

Umsekeli kamongameli, uNkosikazi Joyce Mujuru usanda kutsho amazwi afanayo kodwa amacele womabili eMDC athi kufanele amabandla wonke akuhulumende womanyano avumelane ngaleli nyathelo, hatshi ibandla le ZANU PF lilodwa.

UMnu. Carl Skau, isiphathamandla se EU elizweni utshele iStudio 7 ukuthi lanxa umanyano weEU ungakudingi ukuhlolisisa ukhetho elizweni, ingakuthakazelela ukunxuswa.

Ukuhlaziya loludaba, uSithandekile Mhlanga weStudio uxoxe loMnu. Thabani Nyoni, ingcwethi ecubungula ezombusazwe njalo eyisikhulumi senhlanganiso yokulundolozwa kwelungelo loluntu, eye Crisis in Zimbabwe Coalition, yena othi eleZimbabwe kufanele bawanxuse amanye amazwe nxa lingafihli lutho.

please wait

No media source currently available

0:00 0:02:14 0:00
Lapho esitholakala khona
XS
SM
MD
LG