amalinks wokungena

Breaking News

UMumbengegwi Wehluleka Ukuphuma KweleMali Kulandela Ukuhluthunwa Kombuso Libutho


Umphathintambo obona ngobudlelwano beZimbabwe lamanye amazwe uMnu Simbarashe Mumbengegwi ubikwa esehluleka ukusuka kweleMali kulandela ukugenqulwa kukahulumende walelo lizwe ngamasotsha kuliviki.

UMumbengegwi ubesemhlanganweni weAfrican Union esigodlweni seMali, iBamako behlaziya udaba lokuthula ezwekazi leAfrica elabaphathintambo bakwamanye amazwe eAfrica atshiyeneyo.

Ummeli weZimbabwe eSenegal, yona engcelelane leMali, uNkosikazi Trudy Stevenson uthi ihotela uMbengegwi labanye bake ekade beqhubela kuyo umhlangano wabo, igonjolozewe ngamasotsha, okwenza kubenzima ukuthi basuke kulindawo.

Wengeze wathi okunye okuhluphayo yikuthi igceke lendizamtshina eBamako selivaliwe kanti njalo lemingcele yalelilizwe layo sivaliwe.

Umphathintambo obona ngohlelo lokuxolelana uMnu Moses Mzila Ndlovu yena uthi kumele amasotsha agenqule uhulumende kaMongameli Amadou Toumani Toure la kumele avikele uMumbengegwi labo bonke alabo.

Ukuhlaziya loludaba iStudio 7 ixhume ingcwethi kwezombusazwe uMnu Rejoyce Ngwenya yena othe ukuhluthunwa kombuso libutho kuveza sobana isidingeko sokwenqabela abezomvikela eZimbabwe lakuzwekazi leAfrica jikelele ukungenela kwezombusazwe.

XS
SM
MD
LG