amalinks wokungena

Breaking News

Kulutshwana Osokwenziwe Lugatsha Lokuxolelana Ukuqeda Ukufuthelana:Moses Mzila


Omunye wabaphathintambo bogatsha olubona ngokuxolelana uMnu Moses Mzila Ndlovu uthi kulutshwana osokwenziwe lugatsha lwakhe ukuletha ukuthula elizweni.

Ngalokhu, uthi kungayiwa kukhetho kungenziwanga imizamo yokukhumisana umlotha, udlakela lulakho ukudlondlobala ngamandla lwedlule olwabakhona kukhetho luka2008.

Imbiko kaMzila le iza abezinkonzo bekhangelelwe ukukhokhela umkhosi wokukhulekela ukuthula ngoLwesihlani, iNational Day of Prayer.

Ugatsha lweNational Healing and Reconciliation lubunjwe ekusungulweni kukahulumende womanyano njenjongo yokuletha ukuthula kuzulu kulandela udlakela olwabulalisa abasekeli beMDC phose amakhulu amathathu.

UMzila, oke wabotshwa ngomnyaka odluleyo eqhuba umhlangano wogatsha lwakhe, njalo okhangelele ukwahlulelwa ngumthethwandaba weHwange ngoLwesibili, uthi alusoze lulungisiswe udaba lweZimbabwe uhlelo lokuxolelana lungazange luphumelele.

Amazwi akhe agcizelelwe yingcwethi ecubungula ezombusazwe uMnu George Mkhwanazi.

XS
SM
MD
LG