WASHINGTON DC —
Umkhokheli weMDC uMnu Welshman Ncube selobele iSadc kanye lomlamulankunzi kudaba lweZimbabwe uMnu Jacob Zuma ebacela ukuthi bangavumeli uMongameli Mugabe esenza ukhetho kungakalungisiswa konke okuhluphayo.
UNcube ulobele umgcinisihlalo weSadc Troika uMnu Jakaya Kikwete loMongameli Zuma esithi ukwenza ukhetho ngesikhathi esifunwa yiZanu PF kungabanegala indubo ezinengi kucine kusiba lengxabano eyenzakala ngokhetho luka2008.
IZanu PF ithi ukhetho kumele lwenziwe ekupheleni kukaNhlangula. Kodwa uNcube uthi ukhetho ngeke lwenziwe kungakafiki inyanga kaNcwabakazi, esithi okumqoka yikuthi kucandwe indlela ecacileyo ezakhokhelela ekhethweni olukhululekileyo.
Encwadini yakhe le, uNcube usole njalo uMugabe loTsvangirai esithi benza imizamo yokubeka ilanga lokhetho bengakhulumisananga laye.
Uthi njalo ababili laba kabaxoxisani laye nxa bethatha izinqumo eziphathelane lohulumende lanxa nje iSadc yanquma ukuthi uNcube kumele abe khona laye emihlanganweni yababili laba.
Isikhulumeli seMDC kaNcube uMnu Nhlanhla Dube utshele lumsakazo ukuthi iSadc ayimelanga ivumele uTsvangirai loMugabe bebeka ilanga lokhetho bengakhulumisananga loNcube.
UNcube ulobele umgcinisihlalo weSadc Troika uMnu Jakaya Kikwete loMongameli Zuma esithi ukwenza ukhetho ngesikhathi esifunwa yiZanu PF kungabanegala indubo ezinengi kucine kusiba lengxabano eyenzakala ngokhetho luka2008.
IZanu PF ithi ukhetho kumele lwenziwe ekupheleni kukaNhlangula. Kodwa uNcube uthi ukhetho ngeke lwenziwe kungakafiki inyanga kaNcwabakazi, esithi okumqoka yikuthi kucandwe indlela ecacileyo ezakhokhelela ekhethweni olukhululekileyo.
Encwadini yakhe le, uNcube usole njalo uMugabe loTsvangirai esithi benza imizamo yokubeka ilanga lokhetho bengakhulumisananga laye.
Uthi njalo ababili laba kabaxoxisani laye nxa bethatha izinqumo eziphathelane lohulumende lanxa nje iSadc yanquma ukuthi uNcube kumele abe khona laye emihlanganweni yababili laba.
Isikhulumeli seMDC kaNcube uMnu Nhlanhla Dube utshele lumsakazo ukuthi iSadc ayimelanga ivumele uTsvangirai loMugabe bebeka ilanga lokhetho bengakhulumisananga loNcube.