amalinks wokungena

Breaking News

UNduna uNhlanhlayamangwe Ndiweni Ugwetshelwa Ukuhlala Ejele Okweminyaka Emibili


Ukuthonisiswa kwecala likaNduna Nhlanhlayamangwe Ndiweni

UNduna uNhlanhlayamangwe Ndiweni ugwetshwe ukuhlala ejele okwenyanga ezilitshumi lasificaminwe mibili kuthi eziyisithupha zabekwa eceleni.

Abanye abangamatshumi amabili lantathu ababotshwe laye bagwethwa ukuhlala ejele okweminyaka emibili kwathi inyanga ezilitshumi lasifica minwe mibili zesulwe bajeziswa ukusebenza esigabeni sabo okwamahola angamakhulu amahlanu lamatshumi amabili lanhlanu 525 ezikolo lemakilinika.

Emthethwandaba kuthonisiswa uChief Nhlanhlayemangwe Ndiweni.
Emthethwandaba kuthonisiswa uChief Nhlanhlayemangwe Ndiweni.

Umantshi unkosikazi Gladmore Mushowe ugwebe uNduna Ndiweni ethi ngoba uyinkokheli bekumele abambe umthetho.

UDumisani Dube igqwetha elisuka eMathonsi Ncube Law Chamber ebelimele uNduna Ndiweni labanye uchaza impumela yedale.

Abantu abezelalela ethonisiswa uNdiweni balinde kusukela ekuseni kwaze kwabalihola lesithupha ntambama.

UMtshutshisi uMnu. Kudakwashe Jaravaza utshele idale ukuba uNduna uNdiweni wadiliza umuzi wesinye isakhamuzi esingaphansi kwakhe uFettie Mbele, uMbele ubikwa wayamangalela ikhosikazi lakhe uNonkangelo Mpengesi ayemthole esemacansini leyinye indoda.

Emthethwandaba kuthonisiswa uChief Nhlanhlayemangwe Ndiweni.
Emthethwandaba kuthonisiswa uChief Nhlanhlayemangwe Ndiweni.

Kubikwa iNduna yaphawula ukuba uMbele ahlukane lekhosikazi lakhe, kodwa lokhu akusenzakalanga okwabangela ukuba iNduna ithume abantu ukuba bayediliza umuzi kaMbele ukuba asuke esigabeni ngoba eyehluleke ukulandela isinqumo. Lokhu kubikwa kwenzakala ngomnyaka ka2017.

please wait

No media source currently available

0:00 0:02:11 0:00

Facebook Forum

XS
SM
MD
LG