amalinks wokungena

Breaking News

Ungcwatshwa eHarare uTendai Ndemera


Umngcwabo wentathelizindaba yezemidlalo uTendai Ndemera

Intathelizindaba ebilodumo, ebigxile ekuthapheni izindaba zemidlalo, uTendai Ndemera, obhubhe ngoLwesithathu, ungcwatshiwe namhlanje emathuneni aweZororo Memorial Park, eHarare.

Bekuhlatshelwa ingoma zokudumisa uNkulunkulu ezigcwele usizi ngesikhathi izihlobo, abangane lentathelizindaba beze ukuzovalelisana loNdemera.

Omunye wabakhula loNdemera emzini weMbare oyintathelizindaba elodumo kwezemidlalo, uCharles Mabika ulandise ngempilo kwaNdemera kusukela ngesikhathi esadlala ibhola edlalela iiqembu le Dynamos Juniors.

“Wayeyitshaya inguqu, okokuthi ngabe kukulezi insuku ngabe sikhuluma ngaye njengalabo abakusibanga esiphezulu kwezokudlala inguqu. Kodwa kasathandanga ukuqhubekela phambili ngokudlala inguqu wasekhetha ukwenza umsebenzi wokuthapha izindaba. Ungumuntu owayethandwa ngabantu laye ebathanda, Wayengumuntu owanelisa ukuwelelana laye wonke umuntu ngesikhiwa abamuthi the sociable.”

Umngcwabo wentathelizindaba yezemidlalo uTendai Ndemera
Umngcwabo wentathelizindaba yezemidlalo uTendai Ndemera

Omunye wabekade bekulomngcwabo uNkosikazi Stacy Chakanza ulandisa ngokulahlekelwa kwabo njengemhuli.

“ Namhlanje sizobeka ubaba uNdemera, silahlekelwe kakhulu, wayengubaba kimi. Leli lilanga elibuhlungu kithi abemuli njalo asazi ukuthi sizaqhubeka njani ngempilo yena engasekho kangaka.”

U Hope Chizuzu, Josh Munthali, Charles Mabika, Rosenthal Mudakati kanye lomngane ka Tendai Ndemera omkhulu asebenza laye uMichael Kariati.

UNdemera wasebenza kumankampani ambalwa ezindaba agoqela iPeople’s Voice, Sunday Mail, Daily Gazette, Herald le Studio 7 eye Voice of America.

Ubhubhe ngoLwesithathu emadabukakusa eseleminyaka engamatshumi ayisithupha lambili – 62 yokuzalwa, ngemva kokugula okwesikhathi eside, izihlobo zakhe zisithi wayelesifo senhliziyo.

Umngcwabo wentathelizindaba yezemidlalo uTendai Ndemera
Umngcwabo wentathelizindaba yezemidlalo uTendai Ndemera

Ukubhubha kwakhe kuza ngemva kokubhubha kwenye njalo intathelizindaba eyayisebenza kunkampani ye Newsday eloba indaba zemthethwandaba uCharles Laiton.

Ngemva kukaNdemera kubhubhe njalo enye intathelizindaba elodumo uFoster Dongosi obengunobhala jikelele wenhlanganisweni yentathelizindava eye Zimbabwe Union of Journalists - ZUJ.

UNdemera obhubhe eseleminyaka engamatshumi ayisithupha lambili, ngomunye wabaqala ukusebenza lomsakazo we Studio 7, ngesikhathi usungulwa ngomnyaka ka 2002. Utshiye abantwana abayisikhombisa labazukulu abayisithupha.

Udaba lokungcwatshwa kukaTendai Ndemera siluphiwa nguMavis Gama
please wait

No media source currently available

0:00 0:03:52 0:00

Facebook Forum

XS
SM
MD
LG