amalinks wokungena

UNkosikazi Tsvangirai Unika Abantu Asebekhulile Ukudla

  • Mavis Gama

UNkosikazi Tsvangirai labanye asebekhulile.

UNkosikazi Elizabeth Tsvangirai, umka mongameli webandla le MDC-T, uMnu. Morgan Tsvangirai, ngoLwesine utshone lezalukazi lamaxhegu abagcinwe ngabe bandla le Salvation Army, eBumhudzo Old People’s Home e St Mary’s, emzini we Chitungwiza, lapho abanikeze khona isipho sokudla.

Esethula isipho sakhe kulomuzi uNkosikazi Tsvangirai uqonqosele kudaba lokuba kumele abantu bengaze bakhethana ngemihlobo lokuthi bakuliphi ibandla kodwa wathi kumele batshengisane uthando sikhathi sonke.

UNkosikazi Tsvangirai labantu abagugileyo ...
UNkosikazi Tsvangirai labantu abagugileyo ...

UNkosikazi Tsvangirai wengeze wathi kumqoka ukuthi umuntu angaze akhohlwa ukuthi uvela kuphi kungakho yena ekhethe ukuzachitha isikhathi sakhe labakulomuzi we Bumhudzo ose St. Mary’s okuyikho azalelwa khona wakhulela khona njalo egcinwe ngu gogo wakhe osewabhubhayo.

Obona ngezokuqhutshwa komsebenzi kulomuzi we Bumhudzo, uMajor Cynthia Nyaruberu, ulandise phezu kobunzima ababhekane labo kulumuzi owakhiwa ngomnyaka ka 1974 esithi usuluphele njalo udinga ukulungisiswa.

Omunye wabahlala emzini lo, ugogo uMfathiyane Sinayi utshengise ukusijabulela isenzo sikankosikazi Tsvangirai.

Bangamatshimi amathathu lanye (31) abagciniweyo kulumuzi we Bumhudzo Old People’s Home. Omdala wabo elekhulu lanhlanu leminyaka yokuzalwa (105).

Bekujatshulwa kudliwa ukudla kwemini, kuphuzwa onamnede abalethwe liqula ebelihamba lonkosikazi Tsvangirayi lapho kusethulwa limpahla izalukazi lamagxegu besina.

Facebook Forum

XS
SM
MD
LG