WASHINGTON —
Umhlangano omkhulu ophathelane lokwethekelelana kwamazwe womhlaba owe United Nations World Tourism Organisation (UNWTO) General Assembly oqhutshelwe eLivingstone eZambia ngoLwesithathu ubucubungula indlela zokuthi kungadingakali incwadi zamavisa emazweni angaphansi kwalu umbuthano nxa efuna ukuvakatsha ukwenzela ukukhuthaza ezokwethekelelana.
Lokhu kuvezwe nguMnu. Nkosilathi Jiyane, owayengumayor wedolobho le Victoria Falls njalo engumgcinisihlalo we UNWTO Local Organizing Committee.
UMnu. Jiyane wengezelele ethi umongameli Robert Mugabe ukhangelelwe ukufika eLivingstone ngaphambilini kokuvalwa kwalo umhlangano ngokusemthethweni ngumongameli we Zambia uMnu. Michael Sata ngoLwesithathu ntambama.
Umhlangano lo ubuqhutshwa edolobheni le Victoria Falls kusukela ngoMgqibelo odluleyo kwathi ngoLwesithathu waqhutshelwa edolobheni le Livingstone okwakuqala, njengoba amazwe womabili ebambisene lumhlangano ndawonye.
UMnu. Jiyane uthi emhlanganweni wePlenary Session yangoLwesithathu, iziphathamandla zakwamanye amazwe zithe ngabe incwadi zeamaisa kazidingakali ngoba ziyadula njalo kunengi okudingakalayo ukuze umuntu ofuna ukwethekela ayithole.
Kodwa abanye bathe kuzakuba lengxabangxozi ngoba abanye bazathatha lelithuba ukungena kwamanye amazwe mahlayana.
UMnu. Jiyane utshele uSithandekile Mhlanga e Studio 7 ukuthi kucine kuvunyelwana ukuthi amazwe atshiyeneyo azakhulumisana lehofisi yeUNWTO ngaloludaba.
Lokhu kuvezwe nguMnu. Nkosilathi Jiyane, owayengumayor wedolobho le Victoria Falls njalo engumgcinisihlalo we UNWTO Local Organizing Committee.
UMnu. Jiyane wengezelele ethi umongameli Robert Mugabe ukhangelelwe ukufika eLivingstone ngaphambilini kokuvalwa kwalo umhlangano ngokusemthethweni ngumongameli we Zambia uMnu. Michael Sata ngoLwesithathu ntambama.
Umhlangano lo ubuqhutshwa edolobheni le Victoria Falls kusukela ngoMgqibelo odluleyo kwathi ngoLwesithathu waqhutshelwa edolobheni le Livingstone okwakuqala, njengoba amazwe womabili ebambisene lumhlangano ndawonye.
UMnu. Jiyane uthi emhlanganweni wePlenary Session yangoLwesithathu, iziphathamandla zakwamanye amazwe zithe ngabe incwadi zeamaisa kazidingakali ngoba ziyadula njalo kunengi okudingakalayo ukuze umuntu ofuna ukwethekela ayithole.
Kodwa abanye bathe kuzakuba lengxabangxozi ngoba abanye bazathatha lelithuba ukungena kwamanye amazwe mahlayana.
UMnu. Jiyane utshele uSithandekile Mhlanga e Studio 7 ukuthi kucine kuvunyelwana ukuthi amazwe atshiyeneyo azakhulumisana lehofisi yeUNWTO ngaloludaba.
