amalinks wokungena

Breaking News

Umzukulu kaMugabe uPatrick Zhuwao Wetheswa Icala Lokudla Imali Yabasakhulayo


Umnuzana Patrick Zhuwao

Ngesikhathi uMongameli Robert Mugabe esithi kalabufakazi bokuba kulokungathembeki kwezisebenzi zikahulumende, umzukulu wakhe, uMnu. Patrick Zhuwao, umphathintambo wezabasakhulayo lentuthuko yabensundu kwezamabhizimusi, wetheswa icala lokutshaphaza imali yesikhwama seNational Youth Concil.

Lokhu kuvezwe yiziphathamandla zenhlanganiso yeNational Youth Council phambi kwe khomidi yedale lephalamende ebona ngezabasakhulayo lentuthuko yabensundu kwezamabhizimusi.

Bezibizwe ukuzachasisa ngemali eyaphiwa inkampani kaAce Lumumba eye Cornerstone, yisikhwama seNational Youth Fund, ingeyokuqhuba umhlangano wabontanga wensuku ezimbili, wokudinga imibono yabo ngokuqhuba inhlelo zabatsha zentuthuko.

Lokhu kuza ngemva kokuba omunye wesiphathamandla seNational Youth Council, uMnu. Sungano Chisina, esetheswa icala lokutshaphaza inkulungwane ezedlula itshumi lasikhombisa zamadollar - $17,650, eyayithethwe esikhwameni seNational Youth Council Fund yona eyayitholiswa ngabe Old Mutual.

Kodwa ukulandule lokho uChisina ngesikhathi esipha ubufakazi bakhe edale lephalamende kwabe khomidi yohlangothi lwabasakhulayo lentuthuko kwezomnotho, ekhokhelwa ngummeli weGokwe Nembudziya edale lephalamende, uMnu. Justice Mayor Wadyajena.

Utshele likhomidi le ukuba konke ayekwenza wayekwenza elandela ayekutshelwa nguZhuwao.

UWadjajena ucine esewugqiba lumhlangano wakubeka sobala ukuba zonke impendulo zika Chisina zikhomba ukuba umninindaba nguphathintambo walolugatsha, uZhuwao.

Amalunga ekhomidi la atshengise ukukhathazeka phezu kwales’isenzao basala belembuzo eminengi ukuba kungani umphathintambo wogatsha lwabontanga, wakhetha ukusebenzisana lo Ace Lumumba ngalendlela engalandelanga indlela ezisemthethweni, ukuphumisa imali esikhwameni se Youth Fund.

Iziphathamandla ze National Youth Council ekade zimiswe phambi kwalekhomidi ziveze njalo ukuba uZhuwao nguye owakhetha uLumumba ukuba ngumgcinisihlalo we-Steering Committee kuhlangothi lwe National Youth Council nganxanye engumnini wenkampani yeCornerstone, eyanikezwa imali yokuqhuba umhlangano wamalanga amabili.

Udaba Esilethulelwe NguMavis Gama
please wait

No media source currently available

0:00 0:03:13 0:00
Lapho esitholakala khona

Facebook Forum

XS
SM
MD
LG