amalinks wokungena

Breaking News

Uphandela Imuli Yakhe Ngokulima Lokufuya Inkukhu


UMnu Ndumiso Ndlovu ngumlimi weFilabusi

Ukusilela kwemisebenzi sokubangele ukuthi abantu abanengi basungule inhlelo zokuziphilisa ezigoqela ukulima lokufuya.

Kodwa kwabanye abaphila ngokulima abafana loMnu Ndumiso Ndlovu, udubo kusuke kube yikusilela kwamanzi losekelo lwemali yokuthuthukisa inhlelo zabo.

UNdlovu yisakhamuzi seWanezi eFilabusi njalo ufuya inkukhu abuye alime imbida. Uthi lanxa esenelisa ukuphilisa imuli yakhe, uhlutshwa yikusilela kwamanzi ngoba isikotsho esiseduzane laye asikaze silungiswe selokhu safa ngo1989.

"Ngananzelela ukuthi njengoba imisebenzi ingasekho, ukuze umuntu aphilise imuli yakhe kufuze ukuthi ulime," kutsho uNdlovu.

"Kulezi mine eziseduzane lathi lapha, ngakho abasebenza khona bayathenga lokho esiyabe sithe sakulima kanye lenkukhu."

please wait

No media source currently available

0:00 0:02:18 0:00
Lapho esitholakala khona
XS
SM
MD
LG