amalinks wokungena

Breaking News

UPistorious Ukhitshwa Ejele Esiyavalelwa kuHouse Arrest


Umdlali womdlalo wokugijima osebenzisa inyawo zokubazela ngoba ephila lobugoga odumileyo wakwele South Africa, uOscar Pistorius, ukhululwe ejele ngoMvulo lapho akade evalelwe khona, kodwa kuzamele aqhubeke engela nkululeko yokuhambahamba evalelwe emzini kayise omncane kuHouse Arrest.

UPistorious ubevalelwe kusukisela ngoMfumfu wanyakenye ngemva kokufunyanwa elecala lokubulala owayeyintombi yakhe uReeva Steenkamp.

UPistorius udubule wabulala uReeva owayeyintombazana eyayisenza izifundo zomthetho njalo eyimodel ngelanga lezithandanani ele Valentine's Day ngomnyaka ka2013, esithi wayecabangela ukuthi lisela elize ukuzogqhekeza emzini wakhe.

Ngeviki edluleyo iboard of appeal yakwele South Africa ibikwa ihlangene yavumelana ukuthi akavalelwe emzini hatshi ejele okweminyaka emine elandelayo.

Ngemva kwesinqumo lesi ngeviki edluleyo imuli kaSteenkamp ibikwa ithe lokhu kungabamangalisi, abazali bakhe besithi akulanto ezababisela umthanabo ukuba aphenduke ekufeni ngakhoke ukuvalelwa ejele loba ngaphi akula mehluko kibo.

Phansi kwemithetho yeleSouth Africa umuntu uyavunyelwa ukuvalelwa emzini wakhe ngemva kokuhlala ejele okwesilinganiso sokuyisithupha ekhulwini.

XS
SM
MD
LG