amalinks wokungena

Breaking News

Uqalise Kuhle uBiggie Zuze Kuqembu Lenguqu eleDynamos


Castle Lager PSL

Iqembu le Dynamos linqobe ele Bulawayo Chiefs nge 1 ka nya emdlalweni wakuqala uZuze enguye ozibambe esidukwini njalo ekupheleni komdlalo lumqeqetshi uthe yena iqembu leli belivele lingadlali kubi kumidlalo eyedluleyo kodwa obekuswelakala yikuba lilithele emambuleni ibhola.
Besivele sidlala kuhle sisiba lamathuba amanengi emidlalweni yonke ebesiyidlala kodwa impumela yiyo ebisiphika.
Usasenzima umthwalo esibhekane lawo njengoba nje sisaqala kodwa sizatshona khona sisebenze gadalala ukuze siyephambili njengeqembu.
UZuze ubengumsekeli kaLloyd Mutasa yena osephiwe isikhundla sokuba ngutechnical director weqembu le Dynamos loba nje abalandela umdlalo wenguqu besithi kufana lokuthi uxotshwe ngezindlela eziphansi ngemva kokuba leliqembu liqale kubi imidlalo yalo yalonyaka.
Kusenjalo phezu kwengalane yemiklomelo iqembu le Ngezi Platinum Stars liqhubekela phambili litshaya eziwayo njengoba linqobe ele CAPS United nge 2 ka 1 ngeSonto.
Limpumela itsho ukuba iqembu le Ngezi selikhokhela ngemiklomelo emithathu njengoba selilemiklomelo engamatshumi amabili lathoba munwe munye ikanti elihlezi endaweni yesibili ele FC Platinum lilemiklomelo engamatshumi amabili lesithupha ngemva kokuba libe ngutshiki lobhanqa leqembu leTriangle kungela qembu elenelise ukulitshayela emambuleni.
Iqembu le Highlanders liyale lilokhu lisendaweni yesithathu loba nje libe ngutshiki lobhanqa 0 – 0 lele Yadah njalo lilemiklomelo engamatshumi amabili lanye kuthi endaweni yesine kuleqembu le Chicken Inn lona elibe ngutshiki lobhanqa 0 – 0 lele Chapungu njalo lilemiklomelo engamatshumi amabili.
Emsileni wengalane kuleqembu le Mutare City elilemiklomelo eyisikhombisa njalo elibe ngutshiki lobhanqa 1 ka 1 lele ZPC Kariba kuthi phezu kwalo kulamaqembu amathathu alemiklomelo eyithoba munwe munye njalo lawa ngabalisa ele Shabanie Mine, ele ZPC Kariba kanye lele Chapungu.

Ezemidlalo siloJoseph Njanji
please wait

No media source currently available

0:00 0:02:04 0:00

Facebook Forum

XS
SM
MD
LG