amalinks wokungena

Breaking News

Uqhubeka Ngemihlangano Yakhe uNkosikazi Mugabe


Grace Mugabe

UNkosikazi Grace Mugabe wenze umhlangano labasekeli beZanu PF eGwanda ngoMvulo lapho aqhubeke khona ngokusola ukudonselana okukhona kulelibandla.

UNkosikazi Mugabe usole amalunga eZanu PF alwela isikhundla sikamsekeli kaMongameli wesibili esithi kumele atshiyane lalokhu. Uthe uMugabe ulakho ukuzikhethela umsekeli wakhe amfunayo.

Wengeze wathi umsekeli kaMongameli kumele abe ngumuntu osebenza kuhle loMugabe, hatshi umuntu ozahlala nje emelele uMugabe ukuthi enze wonke umsebenzi.

Abanye babone amazwi la njengenkulumo eqondiswe kuNkosikazi Joyce Mujuru.

Ekhuluma ngokulwisana kwabasekeli beZanu PF eMutare ngeviki edluleyo, uMugabe uthe abasakhulayo ababangele udlakela lolu babethengwe ngabantu abafunduleyo kuZanu PF, angabaqambanga ngamagaba. Uthe babephiwe insangu lotshwala ukuthi bazaphazamisa umhlangano wakhe.

NgoLwesibili uNkosikazi Mugabe useLupane, eMatabeleland North njalo ngoLwesithathu ukoBulawayo.

XS
SM
MD
LG