amalinks wokungena

Breaking News

USamukeliso Moyo LoSithethelelwe Sibanda Bavulela Abanye Indlela ...


USamukeliso Moyo.
USamukeliso Moyo.

Ekunanzeni umsebenzi omkhulu owenziwa ngabesifazana beZimbabwe ngesikhathi kunanzwa usuku lwabomama emhlabeni jikelele olwe International Women's Day, intathelizindaba yethu yezemidlalo ixoxe lowayengumdlali wenguqu osengumqeqetshi uSithethelelwe Sibanda kanye lo Samukeliso Moyo owomdlalo wokugijima ngokuphathelane labesifazane abaphatheke kwezemidlalo.

USithethelelwe Sibanda, owaziwa ngegama lokusoma elithi Kwinji 15, ubengowesifazane owakuqala ukuphatheka ezifundweni ze Caf A ebeziqhutshelwa esigodlweni se Zimbabwe iHarare ensukwini ezisanda kwedlula.

Phezu kwalokho eminyakeni emibili edluleyo, ube ngowesifazane wakuqala njalo ukuba ngumqeqetshi kusigaba se Castle Premier Soccer League lapho akade engumsekeli kamqeqetshi weqembu le Tsholotsho FC. Ubephathisa uLizwe Sweswe.

UKwinji 15 uthi ukuba ngumqeqetshi kuyisiphiwo asiphiwa ngumdali yikho elivulandlela.

Igama elithi Kwinji 15 ulithole ngesikhathi esadlalela iqembu lesizwe ele Mighty Warriors ndawonye labanye abafana lo Rosemary Mugadza kanye lo Precious “Gringo” Mpala.

USithethelelwe Sibanda
USithethelelwe Sibanda

Useke waqeqetsha iqembu labesifazane abaleminyaka engamatshumi amabili elimela ilizwe emdlalweni wenguqu ikanti ubengumsekeli ka Shadreck Mlauzi ngesikhathi iqembu le Mighty Warriors liphatheka kumidlalo ye Olympics kanye leye Afcon yabesifazane nyakenye.

Uthi kusasekunengi akhona ezakwenza njengomqeqetshi womdlalo wenguqu.

Kusenjalo, uSamukeliso Moyo, ngomunye wabadlali bomdlalo wokugijima abalodumo elizweni le Zimbabwe ophakamise iflegi yelizwe emjahweni embalwa emhlabeni jikelele.

Lumdlali useleminyaka eyokuzalwa edlula amatshumi amane kodwa ulokhe encintisa emijahweni eqhutshwa kuleli laphandle kwelizwe.
Uthi yena imfihlo eyokuba elokhu egijima ebonisa izithende abantwana angabazala yikuziphatha.

“Abantwana kumele kube ngabantwana abatshelekayo. I-training ivele ibuhlungu ngiyakwazi abanengi yikho abakubalekelayo njalo kuqakathekile ukuba ube lomuntu okucebisayo.”

UMaMayo useleminyaka yokuzalwa engamatshumi amane lantathu (43). Usanda kwedlula ophutshe esendaweni yesine phakathi kwabadlali abalitshumi lathoba minwe mbili kumjaho we Senior Women’s 10km obuyingxenye yomncintiswano we National Cross Country Championships oqhutshelwe edolobheni lako Bulawayo.

please wait

No media source currently available

0:00 0:02:18 0:00
Lapho esitholakala khona

XS
SM
MD
LG