amalinks wokungena

Breaking News

Usesazakala Okhokhela Isiga Sokuthengiswa Kwemidlalo Yenguqu NgamaWarriors


Chann Sankaran

Usesazakala umgulukudu onguye okhokhela kusiga sokuthengiswa kwemidlalo yenguqu ngabadlali beqembu lesizwe ele Zimbabwe Warriors.

Isizalwane seSingapore uChann Sankaran nguye ocatshangelwa ukuba ngumkhokheli wamaqili abezama ukuhlela ukuthi imidlalo yeqembu lesizwe elama Warriors izaphela imi njani.

Iphephandaba le Herald libika ukuba uSankaran ubevalelwe ejele elizweni laseNgilandi okweminyaka emihlanu ngemva kokutholakala elecala lokuthenga abadlali ukuba bedlale ngendlela ezakwenza imidlalo ibe lempumela efunwa nguye labanye bakhe abaphatheke emsebenzini wokubheja.

USankaran ucatshangelwa ukuba ekuphumeni kwakhe ejele ekupheleni kwanyakenye ulubhekise elizweni le South Africa lapho aqale khona ukugila imikhuba yakhe eyokuthenga abadlali abagoqela abayizizalwane zelizwe le Zimbabwe.

U-Henriatta Rushwaya
U-Henriatta Rushwaya

Omunye ocatshangelwa ukuba ubesebenzisana lo Sankaran nguHenrietta Rushwaya, yena ovele wake wasolwa ngokuba wayehamba phambili ngesikhathi lapho umdlalo wenguqu kwele Zimbabwe ophenduke inhlekisa, kungoba iqembu lesizwe liphatheka kumidlalo evele ihlelwe ukuba iphele ilempumela ethile kuzwekazi lase Asia.

Abanye labo abathintekayo kuloludaba ngabagoqela uEdzai Kasinauyo, yena obelilunga le Zifa board, umqeqetshi uNation Dube kanye lonozinti uGeorge Chigova.

URushwaya yena utshele intatheli ngempelaviki edluleyo ukuba yebo uyavuma ukuba uke wathintana lalabo abaphatheke kumisebenzi yokuthengiswa kwemidlalo kodwa uthi ubekwenza kuyindlela yokubuthelela ubufakazi ukuze ephathise ekuqedweni kobuqili lobu ebholeni.

Umlandeli womdlalo wenguqu uNkululeko Ndlovu uthi uRushwaya uzama ukucatsha ngomunwe ngoba esebanjiwe.

***********

Kolunye udaba olumayelana lomdlalo wenguqu umdlalo wenkezo ye Bob 92 Zifa Super Cup obekumele ubekhona phakathi kweqembu le Highlanders lele Dynamos ngeSonto edluleyo awusabanga khona ngemva kokuba iqembu le Dynamos litshile izikeyi lathi alingeke lidlale lingaphiwanga imali yalo okwakumele liyiphiwe nyakenye ngemva kokuphakamisa linkezo.

Inkokheli yeqembu le Dynamos itshele abaqoqi balumdlalo ukuba ifuna inkulungwane ezingamatshumi amahlanu phambilini kokuba leliqembu liphakame lilubhekise koBulawayo.

Lumdlalo ucine udluliselwa phambili loba nje abenkampani kamabonakude abe Supersport besebefikile koBulawayo ukuzosakaza lumdlalo.

Inhlanganiso yeZifa ikhuphe umbiko othi yiyo esizaqoqa lumncintiswano oyingxenye yenhlelo zokuthakazelela ukufikisa kuka Mongameli Robert Gabriel Mugabe iminyaka engamatshumi ayithoba munwe munye lambili eyokuzalwa.

please wait

No media source currently available

0:00 0:02:50 0:00
Lapho esitholakala khona

XS
SM
MD
LG