amalinks wokungena

Abesifazana abalamabhizimusi amancane alungisa impahla ezehlukeneyo ngezandla bathi bayajabula ngombukiso ojonge ukuthuthukisa amabhizimusi abo oqhutshelwa koBulawayo.

Bathi umbukiso lo, oqoqwe yiCoordination Committee for Development and Promotion of Africa Handcraft (CODEPA), ubaphe ithuba lokuthengisela abantu abavela kwamanye amazwe abakulungisayo.

Umhlangano lo ulethe ndawonye abaphathintambo bemisebenzi yezandla abavela emazweni aseAfrica atshiyeneyo njalo uqhutshelwa eZimbabwe International Trade Fair (ZITF).

Ngokwakuqala ukuthi umbukiso lo wenzelwe ezansi yezwekazi leAfrica.

CODEPA Exhibition
CODEPA Exhibition

Abanengi ababukisayo bathi impahla zabo ziyathengwa okwamagama njalo abanye batshele iStudio 7 ukuthi sebethole abantu abathembise ukuqhubeka bethenga kibo esikhathini esizayo.

Omunye wabo nguNkosikazi Mavis Mpofu, okubhizimusi lokudweba.

“Bayathakazelela izinto zethu esizenzayo. Mina izolo ngizuze uMinister weCongo, uhle wathenga ipainting enkulu wasefaka iorder yezinto ezinengi wathi uzabuya futhi estendini sami namuhla,” kutsho uMaMpofu.

Umphathintambo wezamabhizimusi amancane uNkosikazi Sithembiso Nyoni, ongumsekeli kamkhokheli weCODEPA, uthe ukhangelele ukuqala izitolo zabemisebenzi yezandla emaceleni emigwaqo eZimbabwe lakwamanye amazwe.

CODEPA Exhibition
CODEPA Exhibition

Omunye wakhe kweleSouth Africa uNkosikazi Lindiwe Zulu laye ubekhona. “Ngiwubona umuhle kakhulu lumbukiso njalo ngiyabonga ukuthi uMinister Nyoni usimemile,” kutsho uMaZulu.

Inengi labesifazana abakulumbukiso belikhala ngokuswela imali yokulungisa impahla enengi lokuzithuthukisa.

Umhlangano lo uqale ngoLwesithathu njalo uphela ngoLwesihlanu lapho eleZimbabwe elizathatha khona isikhundla sokukhokhela iCODEPA.

Facebook Forum

XS
SM
MD
LG