amalinks wokungena

Breaking News

Umdlali Wenguqu uErick Mudzingwa Obekuqembu leHighlanders Uthengwa yiBulawayo City


Usethole ikhaya elitsha umdlali obeselesikhathi eside edlalela iqembu le Highlanders, uErick Mudzingwa, yena oseqhatshwe liqembu le Bulawayo City.

Obona ngokudlelana kweqembu le Bulawayo City lozulu, uThandiwe Moyo,utshele intathelizindaba zemidlalo ukuba uMudzingwa ungomunye wabadlali abayisikhombisa asebeqhatshwe liqembu leli elikamasipala wedolobho lako Bulawayo.

UThandiwe Moyo
UThandiwe Moyo

“Abafana esesibaqhatshile khathesi kuqembu le Bulawayo City ngababalisa uTatenda Tavengwa obedlalela iqembu leTsholotsho, silonozinti uWellington Muuya obekuqembu leBantu Rovers, uLucky Nyathi obedlalela iqembu leTsholotsho, silo Justin Kaunda obedlalela iqembu leHwange, silo Nhlanhla Ndlovu obekuqembu le Highlanders, sibenjalo lo Mgcini Sibanda ovela kuqembu l How Mine, kanye lo Erick Mudzingwa obedlalela iqembu leHighlanders.”

Uthe abaqeqetshi beqembu le Bulawayo City abakhokhelwa nguDarlington Dodo basakhangelisisa kuhle abanye abadlali labo abadinga umsebenzi kuleliqembu elisile ngesikhala senalithi engozini eyokugunyulwa kusigaba se Premier Soccer League nyakenye.

Abadlali beqembu le Highlanders bethakazelela igoli elihlohlwe nguErick Mudzingwa
Abadlali beqembu le Highlanders bethakazelela igoli elihlohlwe nguErick Mudzingwa

UMudzingwa oleminyaka engamatshumi amathathu lanye eyokuzalwa ubesedlalele iqembu le Highlanders okweminyaka elitshumi kusigaba sePremier Soccer League njalo ukungagcinwa kwakhe liqembu leBosso kudale impikiswano abanye abalandeli besithi bekumele agcinwe kubongwa ukuba akazange alifulathele ngesikhathi kulamaqembu ayefuna ezowadlalela ikanti abanye besithi besekumele ahambe.

Bakhona abalandeli abadinge ingcazelo ngokuhamba kukaMudzingwa lo Simon Munawa kunkokheli yeqembu le Highlanders ngeSonto lapho obekulomhlangano oqhutshwa minyaka yonke njalo inkokheli yeqembu ichaze ukuba umqeqetshi omutsha weqembu le Highlanders uMadinda Ndlovu nguye othe bobabili laba abakho kunhlelo zakhe.

UMudzingwa lo Munawa bakhonjwe indlela ndawonye labanye abadlali asebekhulile abagoqela uRalph Matema, uAllen Gahadzikwa kanye lo Tendai Ngulube.

please wait

No media source currently available

0:00 0:01:55 0:00

Facebook Forum

XS
SM
MD
LG