amalinks wokungena

Breaking News

UThomas Mapfumo Uphindela Ekhaya Ngemva Kweminyaka Elitshumi Ebalekele uMugabe


U Thomas Mapfumo

Umhlabeleli olodumo womculo we Chimurenga, u Thomas Mapfumo, uphindele ekhaya ngemva kweminyaka eminengi esemazweni ebalekela athi yikuhlukuluzwa kukaMongameli Muabe. UMapfumo, owaziwa njalo ngelokuthi “ Mukanya ” uthi umsulwa kudaba ayelwetheswa lokuntshontsha imota.

U Mapfumo oseleminyaka edlula elitshumi wabalekela kweleMelika, uthi wasuka eZimbabwe ngenxa yendlela iziphathamandla zikahulumende kowayengumongameli umnumzana Robert Mugabe, ebeziphatha ngocuku uzulu obekhuluma iqiniso lapho kuphosisiwe.

Ngaphandle kokuba eze ukuzalibazisana lozulu u Mapfumo uthi kunengi okumenze waphenduka ekhaya, inengi lakho kungokuphathelene lezomndeni.

Okhokhela uhlangothi lokubona ukuba uqhuba kanjani umsebenzi, umnumzana Austine Sibanda ulandisa ngokuzphindela ekhaya kuka Mapfumo.

Uchasisa njalo langodaba lwecala aletheswa lokuba wabaleka ekuzweni ngoba wayentshontshe imota.

Okwamanje u Sibanda uthi uMapfumo eze ukuzokulibazisa uzulu e Harare kuphela e Glamis Stadium mhla ka 28 Mabasa, kodwa bazimisele ukwenza esifanayo kwezinye indawo nxa kuthe kwaba khona abangasebenzisana laye.

U Mapfumo uveze ukuba okwakhathesi useZimbabwe ehamba ngomsebenzi wokulibazisa uzulu, ezophindela eMelika ngemva kwalokho ukuyalondoloza amabhizimusi akhe. Uthi kodwa sizofika isikhathi sokuba aphenduke ekhaya kokuphela.

please wait

No media source currently available

0:00 0:03:41 0:00

Facebook Forum

XS
SM
MD
LG