WASHINGTON DC —
Umkhokheli weMDC-T uMnu Morgan Tsvangirai sesuse udaba lwakhe lokuphikisa impumela yokhetho olwedluleyo emthethwandaba esithi lanxa lungaze luhluzwe loludaba akulalutho oluzatshintsha.
Igqwetha likaTsvangirai uMnu Lewis Uriri utshele idale leSupreme Court ukuthi kaseyi kuqhubekela phambili ngesicelo sokuthi iZimbabwe Electoral Commission (ZEC) ibanjwe ngamandla yinkundla ukuthi ibale kutsha amavoti.
UTsvangirai wayekhweze loludaba edale esithi uMongameli Robert Mugabe waqilibezela kukhetho olwedluleyo njalo esithi ufuna iZEC ivule amabhokisi kubalwe kutsha amavoti.
Kodwa uUriri uthe kunengi osokwenzakele kwezombusazwe okwenza ukuqhubekela phambili ngaloludaba kube yikudlala ngesikhathi.
Kunjalo nje umahluli weSupreme Court uJustice Luke Malaba ulahle isinqumo esethulwa yiHigh Court esokuthi amagqwetha kaTsvangirai kumele etheswe icala lokweyisa inkundla phezu kwamazwi abo ngesinqumo esasethulwe lidale leli kudaba lokhetho.
Ingcwethi kwezombusazwe uMnu Nkululeko Sibanda uthi kuyamangalisa ukuthi kungani uTsvangirai engasafuni ukuqhubekela phambili ngokuphikisa impumela yokhetho edale.
Igqwetha likaTsvangirai uMnu Lewis Uriri utshele idale leSupreme Court ukuthi kaseyi kuqhubekela phambili ngesicelo sokuthi iZimbabwe Electoral Commission (ZEC) ibanjwe ngamandla yinkundla ukuthi ibale kutsha amavoti.
UTsvangirai wayekhweze loludaba edale esithi uMongameli Robert Mugabe waqilibezela kukhetho olwedluleyo njalo esithi ufuna iZEC ivule amabhokisi kubalwe kutsha amavoti.
Kodwa uUriri uthe kunengi osokwenzakele kwezombusazwe okwenza ukuqhubekela phambili ngaloludaba kube yikudlala ngesikhathi.
Kunjalo nje umahluli weSupreme Court uJustice Luke Malaba ulahle isinqumo esethulwa yiHigh Court esokuthi amagqwetha kaTsvangirai kumele etheswe icala lokweyisa inkundla phezu kwamazwi abo ngesinqumo esasethulwe lidale leli kudaba lokhetho.
Ingcwethi kwezombusazwe uMnu Nkululeko Sibanda uthi kuyamangalisa ukuthi kungani uTsvangirai engasafuni ukuqhubekela phambili ngokuphikisa impumela yokhetho edale.