amalinks wokungena

Breaking News

Tsvangirai: Ngumlandu Wethu Sonke Ukusola Udlakela

  • Ntungamili Nkomo

Inhloko kahulumende uMnu Morgan Tsvangirai sekhuthaze abakhokheli bamabandla ezombusazwe ukuthi bakhankasele ukuthula ngamandla ngaphambilini kokhetho.

Inkuthazo kaTsvangirai iza ngemva kokutshiselwa endlini kwengane yelunga lebandla lakhe eHeadlands ngabantu abanakanelwa ukuthi ngabasekeli beZanu PF.

Kodwa uMongameli Mugabe leziphathamandla zebandla lakhe bayakulandula lokhu besithi iMDC-T iyabagcona nje kuphela.

Ngalokho, uTsvangirai uthi kumele udaba lodlakela luqakathekiswe ngabakhokheli bamabandla wonke ukuze ukhetho luqhutshwe ngokuthula.

Yena uTsvangirai ngokwakhe, uMnu Welshman Ncube kanye loMugabe bahlezi besola udlakela njalo bekhuthaza abasekeli bamabandla abo ukuthi bahlalisane ngokuthula.

Kodwa kanengi, sokuke kwaqhamuka udlakela endaweni ezinengi zelizwe kungelani lenkuthazo le.

Ukuhlaziya loludaba iStudio 7 ixhume ingcwethi kwezombusazwe uDr. Nkululeko Sibanda yena othi kuqakathekile ukuthi inkokheli yezombusazwe iqhubeke isola udlakela.

please wait

No media source currently available

0:00 0:02:00 0:00
Lapho esitholakala khona
XS
SM
MD
LG