amalinks wokungena

Breaking News

UMnu Tsvangirai Uqhubeka Ekhulumisana Lenkokheli YeSadc


Inhloko kahulumende uMnu Morgan Tsvangirai seqalisile njalo ukukhulumisana lenkokheli yamazwe asezansi kwezwekazi leAfrica ngodaba lweZimbabwe ngaphambilini komhlangano omkhulu weSadc wokuhlaziya okwenzakala elizweni ngenyanga ezayo.

Obona ngokwethulwa kwemibiko kuSadc uMnu Leefa Martin utshele iStudio 7 ukuba umhlangano lo uzakwenziwa mhlaka 20 ngoNkwenkwezi. NgoLwesine uTsvangirai ubeseLesotho lapho ahlangane khona loMnu Pakalitha Mosisili, inhloko kahulumende yalelolizwe.

NgoMvulo ukhangelelwe ukuya kwelweAngola ukuyahlangana loMongamei Jose Eduardo dos Santos.

Udaba olumqoka uTsvangirai ahamba ngalo ngolokucela inkokheli yeSadc ukuba incedise eleZimbabwe kudaba lokhetho oluzayo njalo ingaze yavumela oyabe enqotshiwe ukuba alele embusweni njengokwenzakale kukhetho olwedluleyo.

Okwamanje amabandla akuhulumende womanyano athi iZanu PF lamacele womabili eMDC aphakathi kokucanda indlela yokhetho olukhululekileyo encedisana lezithunywa zikaMongameli Jacob Zuma weleSouth Africa.

Ingcwethi ecubungula ezombusazwe uMnu Mandlenkosi Gatsheni utshele uNtungamili Nkomo weStudio 7 ukuba kuhle ukuthi uTsvangirai akhulumisane lenkokheli yamazwe eSadc.

XS
SM
MD
LG