amalinks wokungena

Breaking News

Uyaqala Umhlangano Omkhulu WeZanu PF


UMongameli Mugabe uvule okusemthethweni umhlangano weZanu PF omkhulu ngoLwesine koBulawayo esithi ukhetho luzakwenziwa ngomnyaka ozayo loba sokutheni.

Uphinde wafunga njalo ukuthi uhlelo lokufaka inotho ezandleni zabensundu luzaqhubeka lanxa bekhona abalusolayo abagoqela amacele womabili eMDC.

UMugabe ukhuthaze uzulu ukuba ehlale eqaphele, esithi ilizwe lisengozini yokuhluthunwa kumbe ukuthunjwa ngamazwe angentshonalanaga.

Usole kakhulu iAfrican Union esithi ayila mandla okuvikela amazwe eAfrica kumazwe afana leMelika leBhilithani, wona athi aphambanisa ngokungenela empini yeLibya.

IZanu PF ibikwa ikhangelele ukusebenzisa uhlelo lokuthuthukisa abensundu kwezenotho, ukuthola usekelo kukhetho olulandelayo.

Kodwa ingcwethi ezicubungula ezombusazwe ezigoqela uMnu Brilliant Mhlanga loMnu Nkululeko Sibanda, zitho aziboni leliqhunga lisebenza.

XS
SM
MD
LG