amalinks wokungena

Breaking News

Uyaqala Umhlangano WeKimberley Process eWashington DC


Umhlangano weKimberly Process wokuhlaziya udaba lokuthengiswa kwamadayimana emhlabeni jikelele uqalile ngoMvulo eWashington DC, inhlanganiso yeHuman Rights Watch ikhuthaza ukuthi uhluze udaba lokwephulwa kwamalungelo oluntu eMarange.

Umhlangano lo, wona ophela ngoLwesine, ungenwe yiziphathamandla ezitshiyeneyo ezivela kwamanye amazwe agoqela eleZimbabwe.

Umphathintambo wezemigodi uMnu Obert Mpofu nguye okhokhela iqula leZimbabwe. Abenhlanganiso ezizimeleyo abagoqela uMnu Farai Maguwu labo bakhona.

Embikweni awethule ngoMvulo, umqondisi weHuman Rights Watch, yona ekhankasela ukulondolozwa kwamalungelo oluntu, uMnu Daniel Bekele uthe uhulumende ulokhu engakalungisisi ukwephulwa kwamalungelo oluntu eMarange.

Ngalokho, uBekele uthe umhlangano lo kumele uhluze loludaba. Kodwa uMpofu utshele iStudio 7 ngaphambilini ukuthi kasoze avume ukuthi kukhulunywe ngalo loludaba.

Ingcwethi kwezombusazwe uMnu Effie Dlela Ncube utshele uNtungamili Nkomo ukuthi uyayisekela inkuthazo yeHuman Rights Watch.

XS
SM
MD
LG