amalinks wokungena

Breaking News

Uyaqhubeka Umsebenzi Wesisekelo Esitsha - Copac


Ikomidi yedale lephalamende ebona ngokulotshwa kwesisekelo sombuso esitsha ithi siqedile ukuqoqa ugwalo oluveza sobala ukuba kuyini uzulu afuna kungene kulesi sisekelo.

Isikhulumeli salikomidi (Copac), uNkosazana Jessie Majome utshele onozindaba eHarare ngoLwesine ukuthi lolugwalo yilo oluzasetsheniswa ekulobeni isisekelo sombuso esizahanjiswa kuzulu avote ukuba uyasifuna yini kumbe hatshi ku-referendum.

UMajome uthe kulamalunga equla elizaloba lesisisekelo amathathu, njalo azaqala umsebenzi kusikhatshana esizayo. Wengeze wathi bakhangelele ukuthi lumsebenzi uthathe isikhathi esedlula inyanga.

Ukuhlaziya udaba lolu, sixhume ingcwethi kwezombusazwe uMnu Brilliant Mhlanga lelunga leCopac njalo enguSenator weMDC ekhokhelwa nguMnu Morgan Tsvangirai, uNkosikazi Gladys Dube-Gombami yena ochasise okumunyethwe yilolugwalo.

XS
SM
MD
LG