amalinks wokungena

Breaking News

Uhulumende weZimbabwe Usungula Uhlelo Lokulwisana Lemvukuzane


Lokhu ukwenza ngokusungula asekwenze uhlelo lwenyanga ezedlula kancane ezintathu ezilandelayo lokuhlolwa lokwelatshwa kwabomama ezibhedlela zonke ezinkulu zelizwe.

UHlangothi lwesibhedlela seMpilo Central Hospital eselapha umkhuhlane wemvukuzane seluvuselele umsebenzi ngemva kokuma ukusebenza ngomnyaka ka2009. Lokhu sekulethe ukuphumuza izigulane ezedluala inkulungwane ebezisuka ezansi yeMaNdebeleni zisiyakwelatshwa eHarare kumbe emazweni angomakhelwane.

UMphathintambo wezempilakahle uDokotela David Pararenyatwa uvule indawo ezimbili zokwelapha umkhuhlane wemvukuzane eMpilo Central Hospital ezibalisa iRadiotherapy le Nuclear Medicines kusetshenziswa umtshina obizwa ngokuthi yiLinear Accekerator ukutshisa imvukuzane esemzimbeni.

Ukuze isigulane sifakwe kuLinear Accelerator kumele siqale sihlolwe ngemitshina eyeCT scan ukuze kubonakale ukuthi indawo ezakwelatshwa ingaphi njalo ingakanani.

KuboMama imvukuzane yebele leyesibeletho yiyo esibaqedile ngoba bevame ukuphuza ukuyahlolwa lokwelatshwa, labobaba ivame ukubabamba ekungayichithi kahle umthambiso iprostrate cancer.

UMqondisi weNational AIDS Council koBulawayo uNkosazana Senatra Nyathi ubike ukuba sebatholisa iMpilo Central Hospital umtshina wokuhlola imvukuzane yebele. Ethi uhlupho olukhona kulezi insuku yikuthi umkhuhlane wemvukuzane usuhambisana lomkhuhlane wengculaza ngakho ukhuthaza ukuthi bayehlolwa loma bengakaboni izitshengiselo.

UMgcinisihlalo weMpilo Central Hospital uNkosazana Sichelesile Moyo-Ncube uthe bajabule kakhulu ngokutholakaka komtshinan lowo ozancedisa omama ukuthi bathole usizo masinyane.

UNkosazana Moyo ugcizelele ngokukhuthaza omama ukuthi basukumele phezulu bezokwelatshwa umkhuhlane ungakamemetheki umzimba wonke.

Esethula indleko kahulumende yalonyanga iBudget , uMphathintambo wezemali uMnu. Patrick Chinamasa uthembise ukutholisa ezempilakahle imali yokwelapha imvukuzane.

Okwamanje isibhedlela seMpilo silabodokotela ababili abazi ukwelapha imihlobo yemvukuzane ehlukeneyo.

Ngomnyaka uhulumende uthembise ukuba uzathumela umuntu oyedwa ukuyafundela ukwelapha imvukuzane, njalo baphakathi kokukhankasela ukuthi kube lomthelo ozabuthaniswa elizweni oweLevy yemvukuzane njengeyomkhuhlane wengculaza. UHulumende usethembisile njalo kuhlelo lwakhe lwamalanga alikhulu ukuthi udaba lokwelatshwa kwemvukuzane lumqoka.

UMsekeli kaMongameli weMDC-T, uNkosazana Thokozani Khuphe ngomunye oseke wahlaselwa yimvukuzane yebele welatshwa. Okwamanje ngomunye wabakhankasela ukwelatshwa kungela nhlawulo kwemvukuzane kanye lokuthi kusungulwe I Cancer Levy njenge AIDS Levy.

Ucwaningo lokucina olwenziwa eZimbabwe mayelana lemihlobo emitsha yemvukuzane ngo 2014 yaveza ukuba kulabantu abazinkulungwane ezine abahlaselwa yilumkhuhlane ngomnyaka.

Kulengcwethi eyodwa esuke eInternational Atomic Energy Agency esiyiso esinanza limitshina esibhedlela seMpilo. Kuthi UDokotela Tatenda Chingonzoh umqondisi wohlangothi lweRadiotherapy uthi sebenelise ukwelapha abantu abedlula abangamakhulu amabili bezithengela imithi ethi inengi aliyenelisi ukuzithengela ngoba isibhedlela asilamali. IChemotherapy Ibiza amadola alikhulu lamatshumi amahlanu kusiya kunkulungwane eyodwa kumbe ukwedlula.

Ngenxa yemisebenzi yenkohlakalo esibhedlela sokwelapha imvukuzane kuthethe isikhathi ukusivula ngoba abaqondisi besibhedlela babikwa babefuna ukufumbathiswa ngababemele bathole itender yokuzolungisa imitshina yokwelapha imvukuzane.

Udaba lokukhangela ngomkhuhlane wemvukuzane siluphiwa nguAnnahstacia Ndlovu
please wait

No media source currently available

0:00 0:06:38 0:00

Facebook Forum

XS
SM
MD
LG