amalinks wokungena

Breaking News

Uzulu Kaboni Kusiba Lenguquko Kwezenotho Lezombusazwe Ngo2017


FILE: Akade besemhlanganweni webandla leMDC elikhokhelwa nguProfessor Welshman Ncube
FILE: Akade besemhlanganweni webandla leMDC elikhokhelwa nguProfessor Welshman Ncube

Abantu beZimbabwe abakhathazwa yisimo esibi somnotho bathi lokhu kukhangelelwe ukuthi kuzaqhubekela phambili ngomnyaka ozaya.

Abakhulume leStudio 7 bafisa ukuthi kuguqulwe uhulumende ukwenzela ukuthi kulungiswe konke okuhlephayo.

Bathi konke okuhluphayo kungaguqulwa ngokhetho oluzakwenziwa ngomnyaka ka2017 nxa uzulu engavotela omunye wamabandla abusayo.

Okhankasela amalungelo abembayo eHwange emele inhlanganiso yeHwange Lobby Group, uMnu. Japhet Nyathi, uveze ukukhathazeka ngokungaholi okwenyanga ezithile kwezisebenzi ezemba amalahle lensimbi yekhopha.

Uthe akulanhlanganiso ezibamelayo ngoba kunje abaholi, okuyinto ekhanya izaqhubeka langomnyaka ozayo.

Udaba Esilethulelwe NguNompumelelo Moyo
please wait

No media source currently available

0:00 0:04:24 0:00
Lapho esitholakala khona

Umanjinela, uMnu. Albert Sibanda, uthe u2017 kasoze ayehlukane leminye iminyaka.

UNkosikazi Magodonga Mahlangu, olwela amalungelo oluntu, uthe abantu basazothwalaqatha elizweni njalo uBulawayo ubhekane lodubo lwamanzi ngoba uhulumende esehluleka ukwakha amadamu ngakho u2017 uzafana lalonyaka.

URetired Colonel Nketa Ndlovu uthe ukusilela kwemali eZimbabwe lazo zonke inkinga ezikhona elizweni zichapha labantu zisiya ku2017.

Lokhu kugcizelelwe nguNkosikazi Nomathemba Moyo othe bakhumbula umbuso wayizolo eMambale njalo lokhe belinde umbuso wezabelo owafezwa yisisekelo sombuso welizwe.

XS
SM
MD
LG