Inkampani ye Transformative Communications Consultancy ithi iphakathi kohlelo lokukhathaza uzulu ukuthi asebenzise amandla elanga, awe solar.
Linkamapani ithi lanxa inengi likhathazeka ngokuswelakala kwamandla kagetsi, ikakhulu emaphandleni, uzulu ulakho ukusebenzisa amandla esola kodwa uhulumende kaphathisi ngoba ebhadalisa imithelo kulabo abayabe bethenge ama solar panels asetshenziswa ekuphendleni amandla kagetsi ngaloluhlobo.
Isikhulumeli salinkampani, Mnu. Useni Sibandauthi uhlelo lwabo luqale ngomnyaka ophelileyo lapho abenze imidlalo yokuhuga abantu bebafundisa ngodaba lwe sola.
“Lumnylka oka 2016 sikhangelele ukuqhubekela phambili singena emalokitshini singena ezindaweni lapho abantu abangela magetsi khona, emakhaya. Sincedisa abantu ukuthi babekwazi ukuthi yiziphi izibane abangizisebenzisa nxa umuntu ethatha ilanga elisebenzisa ukwenza amagetsi,” kutsho uSibanda.
Uthi bakphakathi lokukhulumisana lenkampani enkulu ese South Africa kodwa kayiqamba ngegama esithi ngoba basakhulumsianayo layo.
USibanda uthi ngenxa yokuthi abantu be Zimbabwe basebenzisa idola lakweleMelika kuba lula ukuthenga Isola.
“Singaba labantu abanengi abathenga Isola intengo izakuba phansi,” kutsho uSibanda.
